Ֆուտբոլիստները և նրանց հավատարիմ բարեկամները -
TopՍպորտԼայֆՖուտբոլ

Ֆուտբոլիստները և նրանց հավատարիմ բարեկամները

888Views

Համաշխարհային ֆուտբոլի աստղերը ոչ միայն աչքի են ընկնում իրենց շքեղ մեքենաներով, մոդել ընկերուհիներով, այլ նաև շատերն իրենց ժամանակի մի մասը հատկացնում են իրենց փոքրիկ բարեկամներին՝ ընտանի կենդանիներին…

Ռոնալդուն և Մարոսկան

Մարոսկան լաբրադոր է, որը 5 տարեկան է: Կրիշտիանու Ռոնալդուն ձեռք բերեց նրան դեռ այն ժամանակ, երբ նա ապրում էր ռուս մոդել Իրինա Շեյքի հետ: Բաժանումից հետո շունը մնաց ֆուտբոլիստի հետ: Այժմ Մարոսկան տիրոջից հեռու չի գնում, երբ նա տանն է, և հաճախ փչացնում է իր տիրոջ սելֆին… Չնայած… Ես չէի ասի, որ փչացնում է…

Չմոռանանք նաև Ռոնալդուի կատվի՝ Միու-Միուի մասին, ում հետ Ռոնալդուն սիրում է դիտել հեռուստացույց:

Մեսսին և Հալկը

Երկու տարի առաջ արգենտինացի ֆուտբոլիստ Լիոնել Մեսսիի կինը նրան նվիրեց բորդոյական դոգի ձագուկ: Ֆուտբոլիստը շնիկին կնքեց Հալկ անունով: Շնիկը լիովին արդարացրեց անունը, քանի որ նա իր չափսերով գրեթե գերազանցում է իր տիրոջը:

Կոլումբիայի հավաքականի ավագ Խամես Ռոդրիգեսն ունի շատ գեղեցիկ ոսկե ռետրիվեր՝ Դիլանը: Սակայն նա միակ սիրելին չէ ֆուտբոլիստի համար: Խամեսին տանը սպասում են ևս մի քանի փոքրիկ բարեկամներ:

Խորվաթ ֆուտբոլիստ Իվան Ռակիտիչը երկու շուն ունի, որոնց հետ նա, դատելով իր Instagram- ից, սիրում է գնալ վազքի:

Գերմանացի ֆուտբոլիստ Թոմաս Մյուլերը սիրում է կենդանիներին: Ձիերն ու շները հաճախ են հայտնվում նրա Instagram- ում։

Զլատանը ևս շատ է սիրում շների: Տանը նա ունի բուլդոգ և լաբրադոր՝ Օսկար անունով…

Իսկ ահա Մայքլ Օուենը ձիաբուծարան է պահում և նրա նժույգները նույնիսկ մրցույթներ են հաղթում…

Նեյմարը ևս շատ է սիրում սելֆիներ անել իր փոքրիկ բարեկամների հետ:

Բելգիացի Կևին դե Բրյունեն և բրազիլացի Դանի Ալվեսը նախընտրում են տանը պահել կատուներ։

Իսկ Մարիո Բալոտելլին.. բացի 3 շներից, տանը պահում է նաև խոզուկ՝ Էլլա անունով…

Ֆուտբոլիստներից երևի թե ամենաշնասերը Բրազիլիայի հավաքականի և «Ռեալի» խաղացող Մարսելոն է: Նա ունի 6 շուն ՝ բուլդոգներ, ռետվիվեր, տակսա և նյուֆաունլենդ: Մարսելոն սիրում է իր ընտանի կենդանիներին և երեխաների նման խնամում է նրանց. կազմակերպում է արձակուրդներ, զբոսանքներ և լողացնում: Բացի այդ, երբեմն Մարսելոն օգնում է թափառող շներին գտնել տուն:

Մարսելոյի ֆավորիտը մեծ սև Նյուֆաունդլենդ Լոլան է: Նրանք այնքան նման են: Ճիշտ է այն կարծիքը , որ շները իրենց տերերի արտացոլումն են:

Վար Բաբայան

Добавить комментарий